очун капитал хувийн ХОС

“ОЧУН Капитал” хувийн хөрөнгө оруулалтын сан нь “Глобал макро” стратегитай сан бөгөөд тус стратеги нь дэлхийн томоохон эдийн засаг, улс төрийн чиг хандлага, хүлээлтэд тулгуурласан хөрөнгө оруулалтын аргачлал юм. Менежерүүд зөвхөн хувьцаа эсвэл компаниуд дээр төвлөрөхийн оронд макро эдийн засгийн хүчин зүйлс, хүүгийн хувь хэмжээ, валютын хэлбэлзэл, инфляц, ДНБ-ий өсөлт, эсвэл геополитикийн үйл явдлуудыг шинжилж, хувьцаа, бонд, валют, түүхий эд зэрэг хөрөнгийн олон төрлүүд дээр хөрөнгө оруулалт хийдэг. Зорилго нь дэлхийн эдийн засгийн өөрчлөлтөөс ашиг олох бөгөөд энэ нь өсөлт, уналт эсвэл тогтвортой байдлын аль нь ч байж болно. Мөн хөшүүрэг, дериватив, богино арилжаа (Short selling) ашиглан өгөөжийг нэмэгдүүлэх эсвэл эрсдэлийг хамгаалах боломжтой байдгаараа давуу талтай.
‍
‍Бид энэхүү стратегийн дагуу хөрөнгө оруулалт хийхдээ дотоодын бондуудаас өндөр чанартайг нь нарийвчлан судалж сонгодог бол гадаад хөрөнгө оруулалтыг санхүүгийн үүсмэл хэрэгсэл болох опционыг ашиглан хэрэгжүүлдэг. Ингэснээр гадаад хөрөнгө оруулалтын алдагдлын эрсдэлийг бүрэн хамгаалж, боломжит өгөөжийг нэмэгдүүлдэг. Опцион нь хөрөнгийн ханш урьдчилан таамагласан чиглэлд хөдөлбөл ашиг өгдөг, харин эсрэг чиглэлд хөдөлбөл алдагдал хүлээхгүй онцлогтой санхүүгийн хэрэгсэл юм.

Энэ боломжийг ашиглахын тулд төлбөр буюу "премиум" төлдөг. Опцион нь хөшүүргийн шинж чанартай бөгөөд гэрээний үнээс хэд дахин их хөрөнгө оруулалтыг илэрхийлдэг тул бид опционы хэмжээг багцын 15%-иар хязгаарладаг.